Cilt 1 sayfa 123

اول دوه سورمكده اولن تغنی مثللو در لكن بوندن دخی نازكدر ونصب اعرابده فتح كبی در بناده بو اصطلا حات

نحو بينندن در تقول منه نسبت الحرف فانتصب ونصب شول نسنه يه ديرلركه انی دكوب اكاعبادت ايدرلر

خدای تعالی دن غيری هر نه كم وارايسه
النصب:نونك ضمی وصادك سكونی ايله بمعناه وكاه اولور صادده مضموم

قلنور
الانصاب:همزه نك فتحیله نصبك جمی پتلر معناسنه ونصب شرو بلا معناسنه ده كلور ومنه قوله تعالی

انی مسنی الشيطان بنصب وعذاب
الانتصاب:همزه نك كسری ونونك سكونی وتانك كسریله منصوب

اولمق
المنتصب:قالقوب يوجلن توزغبارمرتفع معناسنه
النصیبة: نونك فتحی وصادك كسریله شول طاشلردركه

حوضك كنارنده دیكیلوب ارالری بالچغله سد اولنور
النصیب:بر شيدن دكن حصه وحوضه دخی نصیب دیرلر

وقورولمش دوزاغه دخی ديرلر شرك منصوب معناسنه
نصیب:نونك ضمی وصادك فتحیله تصغیر وزنی

اوزره برشاعرك اسمیدر نصیبین نونك فتحی وصادك وباء موحده نك كسریله بر شهرك ادبدر وعرب ايچون

بونده ايكی مذهب واردر بری بودركه اسم واحد قيلوب اسماء مفرده غير منصرفه اعرابی كبی اعراب ویررلر

يقال هذه نصیبین ورايت نصیبین ومررت بنصیبین وبو كانسبت اولندقده نصیبی ديرلر صادك كسری ومدیله

وبردخی بودركه بونی مجرای جمعه اجراايدر لرهذه نصیبون ورايت نصیبین ومررت بنصیبین ديرلر

وكذلك القول فی يبرین وفلسطین وسیلحین وياسمین وقنسرین وبونك نسبتنده نصیبنی ويبرینی دیرلر

پیرین برمعروف قومك اسمیدر ریك مخصوص معناسنه وفلسطین فانك كسریله بر شهرك اديدر شام

ولايتنده وسیلحین سینك فتحیله بر معین كويك اسمیدر وقنسرین قافك ونونك فتحی وتشدیدیله وكسریله

شام ولايتنده كذالك بر شهرك ادیدر
النضوب:ضمتینله صو يره بتمق يقال نضب الماء ينضب نضوبا من الباب الاول

ای غاری فی الارض وسفل ونضوب القوم بعدهم
الناضب:ضادك كسریله بعید اولان نسنه وبو سببدن نضب

الماء ديديلرغچن صوواراق اولسه ويقال خرق ناضب ای بعیدوخرق خاء معجنه وراء مهمله ايله صحرايه ديرلر
الانضاب:

همزه نك كسریله ياين كرشن چكوب دفعة صاليو يرمك اوازی چقسون ديو يقال انضبت وترالقوس مثل

انبضته مقلون منه
التنضب:تانك فتحی ونونك سكونی وضادك ضمیله براغاچدركه اوقی اندن ايدرلر اولنده

اولان تازائده در زیراكلام عربده فعلل يوقدر اما تفعل چوقدر مثل تقنل وتخرج التنضبة:كذالك تانك

فتحی ونونك سكونی وضادك ضمیله تنضبك مفردی
النطب:پرمغله قولاغه اورمق يقال نطبه نطبا ای ضرب

اذنه باصبعه
النعب:نونك فتحی وعينك سكونیله
والنعیب:نونك فتحی وعينك كسریله
والنعبان:نونك وعينك فتحیله

والتنعاب:تانك فتحی ونونك سكونیله قرغه چاغرمق يقال نعب الغراب نعبا الی اخره من الباب الثالث وكاه اولوركه

نعب الدیك دخی ديرلر استعاره اوزره ودیك دالك كسریله ويانك سكونیله خروس معناسنه درونعب

سرعتله سیر ايتمكه دخی ديرلر
المنعب:میمك كسری ونونك سكونی وعينك فتحیله جواد اولان اته ديرلر يعنی

يورمسی خوب اوله
النعابة:نونك فتحی وعينك تشدیدیله
والنعوب:نونك فتحی وعينك ضمیله سریع اولان ناقه

يقال ناقه نعابة ونعوب ای سریعة:النعب:ضمتینله نعوبك جمعی بعضیلر ايتدی نعب فتحله ناقه نك يورركن

باشن اوكونه صالمسی در
النغبة:نونك ضمیله وغينك سكونیله جرعه معناسنه دروكاه اولوركه نون مفتوح اولور

النغب:نونك ضمی وغينك فتحیله نغبه نك جمعی قال ابن السكیت نغبت من الانء نغبا من الباب الرابع جرعت

منه جرعا ونعبه فعل قبیح معناسنه ده كلور ومنه قولهم ما جربت عليه نعبة فط ای فعله قبیحة النقب طاغه

اولان يولدر
المنقب:میمك وقافك فتحیله مثله ونقب دلمك معناسنه ده كلوريقال نقب الجدارنقبا من الباب الاول

ديو ارده دلنن دلكه دخی نقب ديرلر وببطارطوارك كوبكین دلوب صروصو چقارمغه دخی نقب ديرلر
المنقبة: میمك