Cilt 1 sayfa 345

عن ولدها
التبقر: فتحتينله وقافك ضمی وتشدیدیله علمده ومالده واسع اولمق محمد بن علی بن حسين بن علی بن ابی

طالبه رضی الله عنهم محمد باقر ديديلر علمده وسعتی اولوغیچون
الباقرة:قافك كسریله اچیجی وواسع قلیجی

بو جهتدن فتنة باقرة كداء البطن ديرلر وداء بطن دن مراد شول صاری صودركه بطنی خراب ايدر
البقير

والبقيرة بانك فتحی وقافك كسریله شول كوكلكه ديرلركه انوك يكلری يوقدر اكثر يا انی نساطا يفه سی كيرو وبقير

شول ناقه يه ديرلركه ولدندن اوتروقارنی يارلمش اوله وبقير صغر سوريسنه دخی ديرلر
البقيری: بانك ضمی وقافك

فتحیٖ وتشدیدیله والفك قصریله بر نوع اويوندركه اوغلانجقلر اوغلانجقلر اوينارلر مثلاطپراغی يغارلر وچوره سنه چزی

چزرلر واوزرینه صو صچرلر واول طپراغك ایچنده بر قل كزليوب پرماغله دورايدرلر اول كزلو قلی بولماغیچون

وبواونه‌ يونه‌لسان فرسده كوها مون ديرلر
التبقير: علی وزن التكريم بقير اويونن اوينمق يقال بقرواای لعبوا

البقير
البیقرة: علی وزن الدحرجة كذالك عاجز اولمق يقال بيقر الكلب اذا رأی البقر فتحير كما يقال غزل اذا

رأی الغزال فلمی ای ترك وبيقره بر كمسنه باديه قومنی ترك ايدوب شهرده ساكن اولمغه دخی ديرلر وسرعتله

يورركن باشن اشغه طرتمغه دخی ديرلر البكر بانك كسریله قتزاوغلن وبكر شول عورته ديرلركه برقارن

طوغورمش اوله وولدنه دخی بكر ديرلر كرك مذكر وكرك مؤنث اولسون وبكر ناقه نك بر قارن طوغو اننه

دخی ديرلر وبكر بركره اورمغله كسوب ايرمغه دخی ديرلر يقال ضربة بكر وفی الحديث كانت ضربات علی ابكارا

اذااعتلی قدواذااعترض قط يعنی دپه ده اورسه ایكی نیم ايدردی وارقری اورسه ایكی بولردی
الابكار:

همزه نك فتحیله بكرك جمعی كرك قزاوغلن معناسنه اولسون كرك كسوب ايرمق معناسنه اولسون
البكارة:

بانك فتحیله باكره اولمق
البكر: بانك فتحی وكافك سكونیله دوه نك جوان اولننه ديرلر وبكر بر قبیله نك باباسی اديدركه

بكر بن وائل ابن قاسط در
البكرة: مؤنثی تازه‌ ناقه معنانسه
البكار: بانك كسریله بكرك جمعی يكددوه لر

معناسنه فرخله فراخ كبی كه فتخ ياوريه دورلر
البكارة: بانك كسریله كذلك بكرك جمعی فحلله فحالة كبی كه فحل

فایله وحاء مهمله ایله ارككه ديرلر بالجمله دوه دن بكر بنی ادمدن فتی منزله سنه دروبكره فتاة منزله سنده در

وقلوص حاريه منزله سنده قافك فتحیله وصاد مهمله ایله وبعير انسان منزله سنده در جمل رجل منزله سنده در

وناقه مرأة منزله سنده در
الابكر : همزه نك فتحی وكافك ضمیله بكرك جمع قلتی جوان دوه لر معناسنه وابكری

راجزنام شاعر يایله نونله جمع ايدوب صيغۀ‌ تصغير اوزره ابيكرين دیمشدر وبكره قيو اوزرنده صوچكمكیچون

اولان نسنه يه ديرلر كه عامه تحريف ايدوب بقره ديرلر
البكر: فتحتينله بكره جمعی در وبو شاذ اولان جمعلردندر

زيرا افعله وزنی فعل اوزره جمع اولنمز الابر قاج كلمه حلقه ایله حلق وحماة ایله حمأ وبكره ایله وحمأ حاء مهمله ایله

قره بالچغه ديرلر
البكرات: فتحتينله بكره نك جمعی قيوچرخلری قيوچرخلری معناسنه وبكره بر جماعت بر يره جمع اولمق

معناسنه دخی اسمعمال اولنور يقال جاؤاعلی بكرة ابيهم اذا جاؤا معا ولم يتخلف منهم احدو وبوكلامی اطراد

واحتماه محلنده‌سويلرلر حقيقتده اول محلده بكره يوغیسه ده
البكر: فتحتينله صباح وقتی معناسنه دخی كلور سحر

كبی يقال سير علی فرسك بكرا
ابو بكر: اعلام رجالدن در وخليفۀ‌ رسول اللهك اسمی در رضی الله عنه

وبوكه نسبت اونسه بكری ديرلر اسم اولی حذف ايتمك ایله وهر اسم كه اب ایله ابن ایله مصدر اولوب

كنيت اوله انوك نسبتنده اسم اول حذف اولنور
البكرة: بانك ضمی وفافك سكونیله صباح وقتی تقول

تيته بكرة ای باكرة واكر يوم معینك صباح مراد اولسه اتيته بكرة ديرسن غير منصرف اولمق

اوزره وبوظروف غير متمكه دن در يعنی لاينصرف اولان ظروفدن در
البكور: ضمتينله صباح وقتنه

داخل اولمق يقال بكرت ابكر بكور امن الباب الاول
التبكير: علی وزن التكریم و
الابكار: بكسر الهمزة والابتكار