Cilt 1 sayfa 580

المسك

التزلزل خسته ايواولمق يقال تقشقش المريض
المقشقشتان: میمك ضمی وقاف اولك فتحی وثانینك كسریله

سورۀ‌ فل ياايها الكافرون وسورۀ‌ فل هو الله احد‌دن عبارت‌در اصمعی روايتی اوزره‌ زيرا سورتان مزبورتان

مرض نفاقدن بری قيلورلر ابو عبيده ايتدی بوایكی سوره مرض نفاقی ازاله‌ايدر بلاتشبيه قطران دوه‌نك

كیجیكن ازاله ايتدوكی كبی
القشة: قافك كسریله ميمون قرده معباسنه وقشه شول صغير قيزه دخی ديرلر‌كه چثه سی

دخی صغيره اوله القمش: قافك فتحی ومیمك سكونیله بر نسنه‌یی بورادن واورادن جمع ايتمك
التقمیش: علی وزن

التكریم بمعناه
القماش: قافك ضمی ومیمك تخفیفیله هر جانبدن جمع اولان نسنه وقماش متاع بيته دخی ديرلر

القنفرش:قافك وفانك فتحی ورانك كسریله حجمرش كبی زياده ياشلو عورته ديرلر
القوش: قافك ضمی ومدیله

كوچوك صغير معناسنه يقال رجل قوش اذاكان صغير الجثة وبو فارسی معربدر فارسی كوچك ديمكدر
فصل

الكاف:
الكبش: كافك فتحی وبانك سكونیله قوچ كه قيونك ارككی‌در
الكباش: كافك كسریله جمعی قوجلر معناسنه

الاكبش: همزه‌نك فتحی وبانك ضمیله كذلك جمعی وكبش القوم خلقك سيدنه يعنی اولوسنه ديرلر
الكدش: كافك

فتحی ودالك سكونیله طرنلمق خدش كبی‌در لفظا ومعنی يقال‌ كدشه اذاخدشه وكدش كسبه دخی ديرلر يقال هو

تكدش لعياله ای يكدح حاء مهمله‌ایله كسبه‌‌ديرلر وكدش بخشش اشمغه دخی ديرلر تقول كدشت من فلان

اذااصبته منه وكدش برك سورمكه دخی ديرلر سوق شديد معناسنه
الاكتداش: همزه‌نك وتانك كسریله كذلك

بخشش المق يقال اكتدشت من فلان عطاء اتضا
الكندش: كافك ودالك ضمی وما بينده نونك سكونیله سقسغان

ديمكله معروف اولان قوش وكندش ادويه‌دن بر نوعه دخی ديرلر
الكرش: كافك فتحی ورانك كسریله شكنبه‌كه

هر كوش كتورن جانورده شكنبه انسانده معده‌مثابه سنده‌در عرب بونی مؤنث استعمال ايدر بونده ایكی لغت

واردر بری كرل رانك كسرله نته‌كم ايتدی وبری دخی كرش‌در رانك سكونیله كبدله كبدكبی وكدر اويكنه

ديرلر وكرش كذلك انساندن بر جماعته ديرلر وفی الحديث الانصاری كرشی وعيبتی
الكرش: كافك كسری

ورانك سكونیله كشنك اولاد صغاری جهتندن اولان عيالی يقال هم كرش منثورة ای اولاد صغار ويقال

تزوج فلان فلانة فنثرت له كرشها وبطنها اذاكثر ولدها له الكرشان كافك فتحی ورانك كسریله ازرقبیله‌سی ایله

عبد القبس قبيله‌سيدر
الاستكراش: همزه‌نك وتانك كسریله قورسق كرش دكل ایكن كرشه دونمك‌يقال

استكرشت الانفحة يعنی اوغلق نسنه يمد كجه قورسغه انفحه ديرلر نسنه يمكه باشلدقده كرش ديرلر انفحه

ديمزلر
الاكراش: همزه‌نك كسریله بر نسنه‌یی كرشه يعنی شكنبه‌يه داخل قلمق وعربلرك ان وجدت الی ذاك

فاكرش ديدكی شول محلده استعمال اولنوركه برامرمشكل تكلیف اولنه وبونك اصلی بودركه بر كمسنه بر قيونی

بوغزليوب پاره پاره ايدب شكنبه‌‌سی اچنه قودی تاكه بشوره اكاقيونك باشن واياغن دخی قوديديلر ايتدی ان

وجدت الی ذاك فاكرش يعنی ان وجدت اليه سبيلا
التكرش: فتحتينله ورانك ضمی وتشدیدیله يوزاكشمك

تقبض وجه معناسنه يقال تكرش وجهه اذاتقبض
الكرشاء: كافك فتحیٖ ورانك سكونی والفك مدیله قارنی بيوك

عورت وكر شابو كرلری بيوك اولان دشی مركبه دخی ديرلر وكر شاشول اياغه دخی ديرلركه اتلو اوله كثير اللحم معناسنه

وطبانی دوزاولوب‌پرمقلری قصه اوله
الكشيش: كافك فتحی وشینك كسری ومدیله افعينك يورركن‌در يسندن

حاصل اولان اوازدكل يقال كشت تكش ويقال كشت البقرة صاحت وكشیش الشراب شرابك

قينمسنك اوازينه دخی ديرلر وكشیش الزند چقمغك اتش طوتدغی حينده چقان اوازينه دخی ديرلر ودوه‌ نك اول

چاغرمسنده كشیش ديرلر
الكشكشة: علی وزن الزلزلة كذلك افعينك دريسی اوازيدر وكشكشه بنی اسد

قبیله‌سنك مؤنث خطابيچون اولان كافی شينه تبديل ايتمسنه ديرلر كقولهم عايش وبش فی عليك وبك