Cilt 1 sayfa 90

ظباظب:الغنم ظاء اولينك فتحی وظاء ثانيه نك كسریله قيونك اوازی صوت غنم معناسنه
الظرب:

ظانك فتحی وبانك كسریله ظرابك مفردی در
الظراب:ظانك كسریله كوچوك طاغلر ديمك اولور روابی

معناسنه راء مهمله و باء موحده ايله بو سببدن عامر بن الظربه ابن الظرب ديديلر ضانك فتحی ورانك

كسریله كه مزبوروعرب بكلرنیك بری در
الاظراب:همزه نك فتحیله ديش دیبلری اصول اسنان معناسنه

الظربان:ظانك فتحی ورانك كسریله قطران وزنی اوزره بر جانوردركه كدی مثالنده بدرايحه در عرب

طائغه سی ظربانی صید ايتسلر قچن برنك توبنه يللنسه اعتقادلری بودركه اول ثوب اسكيه وانوك

ريحهء قبيحه سی كتميه وفی المثل فسا بيننا الطربان ديرلر يعنی بزم ما بینمزه ظربان يللتدی بو نی اول وقت

ديرلركه بری برندن انقطاع كلی ايله منقطع اوله لر
الظربی:ظانك كسری ورانك سكونی والفك قصریله

ظربانلر ديمك اولور بو جمعدر حجلی حجلك جمعی اولدغی كبی وحجل فتح حاء مهمله ايله وجيملهبر نوع ككلك در

وكاه اولوركه جمعی الظرابی كلور كوياكه بوظرباءنك جمعیدر
الظرب:ضانك ورانك ضمی وبانك تشدیدیله

عتل كبی قصه بويلو واتلو اولان كمسنه وعتل عين مهمله نك وتاءمثنائك ضمیله غلیظ وجافی اولان كمسنه در

الظنبوب:ظانك ضمی ونونك سكونی وبانك ضمیله ايجكده اولان قوری كمك
فصل العين:
العب:عينك فتحی

وبانك تشدیدیله صويی كوكرجین كبی اكلوب اغزله ايچمك يقال عب الماء يعب من الباب الاول وفی

الحدیث الكباد من العب يعنی جكر اغرسی صويی وجه مزبوراوزره ايچمدندر كوكرجین صويی عب طریقیله

يچدكی كبی چارپالر ايچدكنه دخی عب ديرلر
العباب:فتحی عينلة مصدردر معنای مذكور اوزره وقولهم

لا عباد ای لاتعب فی الماءيعنی صويی دفعة اجمه عباد نزال وزنی اوزره امر اولمغله واوت اوزامغه دخی عب

ديرلر يقال عب النبات ای طال العباب عينك ضمیله صو عظیم چوق اولمق واتلمق
العب:ضمتینله

شول صولردركه يردن آتلو آتلو چقار
العبعب:عينلرك فتحی وبانك سكونیله يوكدن اولان كیلم

واهونك ارككی تيس الظبا معناسنه ويكتلك نعمتی
العبعاب:عينلرك فتهی وبانك سكونیله اوزون كمسنه

العبية:عينك ضمی وكسریله وبانك ويانك تشدیدیله كبر وتجبر يقال رجل فیه عبیة وعبّيّة ای كبر

وتجبر وعتّبّة الجاهلية نحوتها ای كبرها وعظتها
العبیبة:عينك فتحی وبانك كسری ومدیله شول نسنه در

كه مغافیر عرفط دن طملر يعنی دیكنلو اغاجك ضمغندن طملر مغافیر مغفرك جمعی در میمك كسریله وغين

معجمه ايله ضمع معناسنه وعرفط عين مهمله نك ضمی وراء مهمله نك سكونی وفانك ضمی ايله وطاء مهمله ايله بر

دیكنلو اغاچدر
عبیبة:اللثالثانك يويندسی اولان نسنه يه ديرلر ولثا بر نسنه دركه ثمام ادلو اغاجدن حاصل

ولور ضمغ مثالنده لذیذ اولور شول نسنه دركه اندن يريوزنه دوشسه بربزه قورلر اوزرینه صودوكرلر اول

بزدن اقان صو لذیذ اولمغین انی ايچرلروكاه اولوركه انی بشوروب غليظ ايدرلر
اليعبوب:يانك فتحی

وعينك سكونیله وعينك ضمیله شول آته ديرلركه زياده اشكین اوله وشول نهره ديرلركه زياده اقندیسی

اوله
العتب:عينك فتحی وتانك سكونیله خشم ايتمك يقال عتب عليه يعتب ويعتب عتبا من الباب الاول

والثانی ايضاای غضب عليه
المعتب:بفتح المیم والتاء بمعناه
التعتب:فتحتینله وتانك ضمی وتشدیدیله مثله

المتبة: بفتح المیم والتاء ايضا اسم در عتبدن خشم معناسنه
العتاب:عينك كسریله خشم ايتمك

بعضلر ايتدی نازلنمق ايله مكالمه ايدوب غضب حالتن سويلشمكدريقال اذا تعاتبوا اصلاح ما بينهم

العتاب
الاعتوبة:همزه نك ضمی وعينك سكونیله وتانك ضمیله شول نسنه دركه عتابه سبب اولور

اضحوكه واجوبه ضحكه وتعجبه سبب اولنه اطلاق اولندغی كبی يقال بينهم عتوبة يتعاتبون بها